Tel. 982 400 450 / 626 620 631 | dir.monforte@escolapiosbetania.es

Colegio Padres Escolapios de Monforte

Excursión Ribeira Sacra

O pasado venres os alumnos de 5º de Primaria fixemos unha saída para coñecer mellor o entorno da Ribeira Sacra.

Comezamos o día visitando a Rectoral de Amandi, a maior produtora de viño da zona. Gustounos moito ver o proceso de elaboración e embotellamento no cal unha botella cada segundo está lista para ser bebida!

Ao finalizar recorremos a ruta dos Muíños e os Chancís onde puidemos disfrutar da natureza tan excepcional que nos rodea ademais de ver unha catarata que nos deixou impresionados coa cantidade de auga que levaba.

Xa cansos, dirixímonos a Cadeiras para repoñer forzas e comer algo, ademais de disfrutar dun ratiño de tempo lúdico para seguir afianzando as boas relacións entre compañeiros.

Para rematar o día fumos visitar a Elías, alfareiro de Gundivós, que moi amablemente explicounos os distintos útiles que se facían e utilizaban  antigamente e que agora apenas coñecemos. Fíxonos ademais unha demostración de como facer unha xarra con bigotes, quedamos alucinados!

Sen dúbida, unha boa xornada!

Aquí vos deixamos unha mostra dalgunhas fotos….

Excursión Ribeira Sacra 5ºEP