Último día de proxecto e de colexio! Pola mañá tocou poñer a funcionar as neuronas para deseñar un xogo de Trivial relacionado coa nosa escola. Os rapaces tiveron que extraer de todo o vivido durante a semana 24 preguntas tipo test coas súas tres respectivas posibles preguntas. Ademais, deseñaron a caixa de xogo para ter todo organizado. Non nos deu tempo a facer os dados: unha mágoa.

Á tarde, ruteamos pola cidade para ver os lugares e monumentos máis importantes relacionados cos Castro. Os mestres  intentamos facer de guías para explicar a súa historia. Puidemos ver o busto do Cardeal, as Clarisas, a Ponte Medieval, o Castelo de San Vicente coas súas fortificacións e o Palacio Condal.

 

 

Por último, xa temos gañadores do concurso de pintura. Gracias a todos por participar!

Atrás deixamos unha fantástica semana. Os mestres, queremos dar posibilidades aos nenos de aprender, de construír e de reflexionar… Se os nosos rapaces son capaces de poñer en valor o que os rodea gracias a este proxecto, estaremos orgullosísimos deles (e de nós tamén…). 😉

O Patrimonio é de todos e, para disfrutalo, hai que respetalo e entendelo.